Friday September 25 2015

Follow on us:

Contact Us

ಮರಳಿ ಬರಲಿ ಆ ಸೌಹಾರ್ಧತೆಯ ಹಬ್ಬಗಳ ಸಂಭ್ರಮ

-ರುಕಿಯ್ಯಾ ಎ ರಝಾಕ್

ನಿನ್ನೆ ಬಕ್ರೀದ್ ಹಬ್ಬ, ಸಡಗರ ಸಂಭ್ರಮದಿಂದ ಹೆಣ್ಣುಮಕ್ಕಳು ಮದರಂಗಿ ಹಚ್ಚಿ ಓಡಾಡುತ್ತಿದ್ದುದು… ಘಳಿಗೆಗೊಮ್ಮೆ ಬಂದು ಶರಬತ್ತಿಗಾಗಿ, ಅಡುಗೆ ತಯಾರಿಯಲ್ಲಿ ವ್ಯಸ್ತರಾದ ಅಮ್ಮಂದಿರನ್ನು ಕಾಡಿಸುವುದು… ಹೊಸಬಟ್ಟೆ, ಮಲ್ಲಿಗೆಯ ಘಮಲು, ಪುಟಾಣಿಗಳ ಕಲರವದಿಂದ ವಾತಾರಣದಲ್ಲಿ ಅದೆಂತಹದ್ದೋ ಸಂಭ್ರಮ… ಹಿರಿಯರು ಕೊಟ್ಟ ಈದೀ ಉಡುಗೊರೆ ಹಿಡಿದುಕೊಂಡು ಓಡಾಡುತ್ತಿದ್ದ ಮಗಳನ್ನು ಕಂಡು, ನನಗರಿಯದೇ ನಾನು ಬಾಲ್ಯ ತಲುಪಿದ್ದೆ…

ಒಂದು ಕಾಲವಿತ್ತು, ಪ್ರತಿಯೊಂದು ಮನೆಯಲ್ಲೂ ಒಪ್ಪೊತ್ತಿನ ಊಟದಷ್ಟು ಮಾತ್ರವೇ ಇದ್ದರೂ ನೆರೆಯವನ ಹಸಿವಿನ ಕುರಿತೂ ಯೋಚಿಸುವಷ್ಟು ಮಾನವ ಮಾನವನಾಗಿದ್ದ. ಆ ನೆರೆಯವ ಯಾವ ಜಾತಿ ಅನ್ನುವುದಕ್ಕಿಂತಲೂ ಅವನ ಹೊಟ್ಟೆಯ ಹಸಿವಿನ ಕೂಗು ಹೆಚ್ಚಿನ ಪ್ರಾಮುಖ್ಯತೆ ಪಡೆದಿರುತ್ತಿತ್ತು. ಒಂದು ಮನೆಯ ಟಿವಿ ಜಾತಿ ಧರ್ಮಗಳ ಬೇಧವಿಲ್ಲದೆ ಇಪ್ಪತ್ತು ಮನೆಯವರ ಮನರಂಜಿಸುತ್ತಿತ್ತು. ಒಂದು ರೇಡಿಯೋದ ಕಮೆಂಟ್ರಿ, ಇಡೀ ಹಳ್ಳಿಯ ಯುವ ಸಮೂಹದ ಕ್ರಿಕೆಟ್ ದಾಹವನ್ನು ತಣಿಸುತ್ತಿತ್ತು. ಕಾಲೋನಿಯ ಎಲ್ಲಾ ಸಮುದಾಯದ ಮನೆಯ ಮಕ್ಕಳು ಸೇರಿದಾಗ ಮಾತ್ರವೇ ಆಟ ಪರಿಪೂರ್ಣ ಅನಿಸುತ್ತಿತ್ತು. ಟೀವಿಯಲ್ಲಿ ಪ್ರಸಾರವಾಗುವ ‘ತೆನಾಲಿ ರಾಮ’ ನಿಗೆ ಎಷ್ಟು ಮುಸ್ಲಿಂ ಅಭಿಮಾನಿಗಳಿದ್ದರೋ, ಅಷ್ಟೇ ಹಿಂದು ಅಭಿಮಾನಿಗಳು ‘ಟಿಪ್ಪು ಸುಲ್ತಾನ್’ ಗೆ ಇರುತ್ತಿದ್ದ ಕಾಲ. ಆಗ ಅದು ಕೇವಲ ಮನರಂಜನೆಯಾಗಿತ್ತೇ ಹೊರತು, ಎದೆಯ ಮೇಲೇರಿಬರುವ ಜಾತ್ಯಾಭಿಮಾನವಾಗಿರಲಿಲ್ಲ. ಇನ್ನು ಹಬ್ಬ ಹರಿದಿನಗಳು, ಜನ್ಮಾಷ್ಠಮಿ, ದೀಪಾವಳಿ, ಚೌತಿ, ರಮಝಾನ್, ಬಕ್ರೀದ್ ಗಳು ಧಾರ್ಮಿಕ ಆಚರಣೆಗಳಿಗಿಂತಲೂ ಸಾರ್ವಜನಿಕ ಹಬ್ಬವೇನೋ ಅನಿಸುವಷ್ಟು ಪ್ರತಿಯೊಬ್ಬರೂ ಭಾಗವಹಿಸುತ್ತಿದ್ದರು. ಚೌತಿ, ದೀಪಾವಳಿ, ಜನ್ಮಾಷ್ಠಮಿಗಳ ಸಂದರ್ಭ ಹಿಂದೂಗಳಿಗಿಂತಲೂ ಅತಿ ಹೆಚ್ಚು ಸಂಭ್ರಮವಿರುತ್ತಿದ್ದುದು ಮುಸ್ಲಿಮರಿಗೇ, ಹಿಂದೂ ಬಾಂಧವರು ಊರೆಲ್ಲಾ ಹಂಚುತ್ತಿದ್ದ ಕಬ್ಬು, ಆ ಕಬ್ಬುಗಳೊಂದಿಗೇ ಊರು ತುಂಬಾ ಹರಿದಾಡುತ್ತಿದ್ದ ಸೌಹಾರ್ಧದ ಸಿಹಿ, ಮತ್ತು ಮುಸ್ಲಿಂ, ಹಿಂದೂ ಎಂಬ ಬೇಧವೇ ಇರದೇ, ಹುಲಿವೇಷಧಾರಿಗಳನ್ನು ನೋಡುತ್ತಾ ಅವರ ಆಟಗಳನ್ನು ಆಸ್ವಾದಿಸುತ್ತಾ ಹುಲಿವೇಷದ ತಂಡ ನಡೆದಷ್ಟೂ ದೂರ ಅವರನ್ನು ಹಿಂಬಾಲಿಸುತ್ತಾ ನಡೆಯುವ ಮಕ್ಕಳ ತಂಡ, ಅಲ್ಲಿ ವೇಷಧಾರಿಗಳೂ ಹಾಗೇ ಊರಿನ ಪ್ರತಿಯೊಂದು ಮುಸ್ಲಿಂ ಮನೆಗಳಲ್ಲೂ ಹುಲಿಯಾಟ ತೋರಿಸಿ ಬಕ್ಷೀಸು ಪಡೆಯದೇ ಮುಂದೆ ಸಾಗುವವರೇ ಅಲ್ಲ. ಇನ್ನು, ಮುಸ್ಲಿಮರ ಈದ್ ಸಂದರ್ಭ ಹಿಂದೂಗಳಿಗೂ ಇದೇ ಸಂಭ್ರಮ ಇರುತ್ತಿತ್ತು. ಕೈಯಲ್ಲಿ ಮದರಂಗಿ ಇಟ್ಟು ಹೊಸ ಬಟ್ಟೆ ತೊಟ್ಟು ಸಂಭ್ರಮಿಸುವ ಪುಟಾಣಿ ಹೆಣ್ಣುಮಕ್ಕಳನ್ನು ಹತ್ತಿರ ಕರೆದು ನೆಟಿಕೆ ತೆಗೆದು ಕಾಡಿಗೆ ಹಚ್ಚಿ ಧೃಷ್ಟಿ ತಾಕದಿರಲೆಂದು ಹಾರೈಸುವ ನೆರೆಯ ಹಿಂದೂ ಮಹಿಳೆಯರು, ತಮ್ಮ ಮನೆಯ ಅಡುಗೆಯನ್ನು ನೆರೆಯ ಹಿಂದೂ ಬಾಂಧವರೊಂದಿಗೆ ಹಂಚಿಕೊಳ್ಳದಿದ್ದರೆ ಹಬ್ಬವೇ ಅಪೂರ್ಣವೆನಿಸುವ ಮುಸ್ಲಿಂ ಸ್ತ್ರೀಯರು…! ಪರಸ್ಪರ ಧಾರ್ಮಿಕ ಆಚರಣೆಯ ಸಂದರ್ಭ ಪಾನಿಯ ಗಳ ವಿತರಣೆ…. ಹೀಗೆ ಒಟ್ಟಾರೆಯಾಗಿ, ಊರಿನ ಯಾವ ಮನೆಯಲ್ಲಿ ಯಾವ ಧರ್ಮದವರಿಗೇ ಹಬ್ಬದ ಸಂಭ್ರಮವಿರಲಿ ಊರಿಗೆ ಊರೇ ಆ ಆಚರಣೆಯಲ್ಲಿ ಪಾಲ್ಗೊಳ್ಳುತ್ತಿದ್ದವು. , ಜಾತಿ ಎನ್ನುವ ಕಲ್ಪನೆಯೇ ಇರಲಿಲ್ಲ ಎನಿಸುವಷ್ಟು ಧರ್ಮಗಳು ಜನರ ಮನೆಯೊಳಗೇ ಇರುತ್ತಿದ್ದವು, ಮನೆಯ ಆವರಣ ದಾಟಿ ಹೊರಗೆ ಬಂದಾಗ ಪ್ರತಿಯೊಬ್ಬರ ಧರ್ಮವೂ ಒಂದೇ ಆಗಿಬಿಡುವಷ್ಟು ಸಾಮಾಜಿಕ ಕಳಕಳಿ.

ಮೆರವಣಿಗೆಗಳು, ಬಾಂಗ್ ಗಳು, ಕುರ್ಬಾನಿಗಳು, ಹುಲಿವೇಷಗಳು, ರಾತ್ರಿಯ ವೇಳೆ ನಡೆಯುತ್ತಿದ್ದ ಭೂತಾರಾಧನೆಗಳು, ಚರ್ಚಿನ ಘಂಟೆಗಳು ಯಾವುದೂ ಪರಸ್ಪರರಿಗೆ ಕಿರಿಕಿರಿ ಅನಿಸುತ್ತಲೇ ಇರಲಿಲ್ಲ. ಅದೊಂದು ನಮ್ಮ ಸಮಾಜದ ಸರ್ವೇ ಸಾಮಾನ್ಯ ಅವಿಭಾಜ್ಯ ಅಂಗವೇ ಆಗಿದೆ ಎನ್ನುವಷ್ಟು ಆ ಆಚರಣೆಗಳಿಗೆ ಸಮಾಜದ ಪ್ರತಿಯೊಬ್ಬರೂ ಗೌರವಿಸುತ್ತಿದ್ದರು. ಮತ್ತು ಎಲ್ಲರೂ ಎಲ್ಲದಕ್ಕೂ ಒಗ್ಗಿಕೊಂಡಿದ್ದೆವು. ಇಷ್ಟೆಲ್ಲಾ ಯಾಕಾಗಿತ್ತೆಂದರೆ, ಬಹುಶಃ ಆ ಕಾಲದಲ್ಲಿ ಜನರಿಗೆ ಎರಡು ಹೊತ್ತಿನ ತುತ್ತಿನ ಚೀಲದ ಚಿಂತೆಯೇ ಬಹಳಾ ಮುಖ್ಯವಾಗಿತ್ತು. ಅದಲ್ಲದೇ ಜನರಿಗೆ ‘ಮತ್ತೊಂದು ಯೋಚನೆ’ ಅವಶ್ಯಕತೆ ಇರಲಿಲ್ಲ. ಅಥವಾ ಮತ್ತೊಂದು ಯೋಚನೆ ಬೇಡವಾಗಿತ್ತು!

ಒಂದು ದೀರ್ಘ ಅವಧಿಯ ವರೆಗೂ ಇವುಗಳನ್ನೆಲ್ಲಾ ಅನುಭವಿಸಿದ ನಮಗೆ ಇತ್ತೀಚೆಗೆ ಇದೆಲ್ಲಾ ಮರೆತೇ ಹೋಗಿತ್ತು. ಈಚೆಗಿನ ಹಲವಾರು ವರ್ಷಗಳಿಂದಲೂ ಬಕ್ರೀದ್ ಆಚರಣೆಯನ್ನು ಒಂದು ‘ಅಪರಾಧ’ ಅನ್ನುವ ರೀತಿಯಲ್ಲಿ ಅಚರಿಸಿಕೊಂಡು ಬರಲಾಗುತ್ತಿದೆ. ರಮಝಾನ್ ಎಷ್ಟು ಸರಾಗವಾಗಿ ಆಚರಿಸಿಕೊಂಡು ಹೋಗುತ್ತೇವೋ, ಬಕ್ರಿದ್ ಅಷ್ಟು ಸಾಂಗವಾಗಿ ಆಚರಿಸಲು ಸಾಧ್ಯವಾಗುತ್ತಿಲ್ಲ. ಬಕ್ರೀದ್ ಸಂದರ್ಭ ಎಲ್ಲಾ ಚೆಕ್ ಪಾಯಿಂಟ್ ಗಳಲ್ಲಿ ಒಬ್ಬ ಖಾಕಿ ಸಮವಸ್ತ್ರದವರು ಕಂಡು ಬರುತ್ತಾರೆ, ಮತ್ತು ಸಮವಸ್ತ್ರದ ಕಣ್ಗಾವಲಿನಲ್ಲೇ ಬಕ್ರೀದ್ ಆಚರಿಸಲಾಗುತ್ತಿದೆ. ಇದೆಂತಹಾ ಅದಾವತು ಬಂದಿದೆ ನಮ್ಮ ಊರಿನ ಸೌಹಾರ್ಧತೆಗೆ, ಎಂದು ಯೋಚಿಸುವಾಗ ಹೃದಯದೊಳಗೆ ವಿಚಿತ್ರ ಸಂಕಟ ವುಂಟಾಗುತ್ತಿದೆ. ಇನ್ನು ಈ ವೈಮನಸ್ಕತೆಗಳು ಮುಗಿಯುವುದೇ ಇಲ್ಲವೇನೋ ಎಂದು ಯೋಚಿಸುತ್ತಿರುವಾಗಲೇ ಅಲ್ಲೆಲ್ಲೋ ಬೆಳಕಿಂಡಿಯೊಂದು ಮೆಲ್ಲನೇ ಕಣ್ಣು ತೆರೆಯುತ್ತಿರುವಂತಹಾ ಸೂಚನೆ ಕಂಡಾಂತಾಗಿದೆ. ಹಲವಾರು ಕೋಮುಗಲಭೆಗಳು, ಆತಂಕವಾದೀಯ ದಾಳಿ, ಆಕ್ರಮಣಗಳಿಗೆ ಮಾತ್ರವೇ ಸುದ್ದಿಯಾಗುತ್ತಿದ್ದ ಮುಂಬೈಯಲ್ಲಿ ಮೊನ್ನೆ ನಮಾಝ್ ಮಾಡುತ್ತಿದ್ದ ಮುಸ್ಲಿಂ ಬಾಂಧವರು ಗಣೇಶ ಚತುರ್ಥಿಯ ಸಂದರ್ಭ, ಮೆರವಣಿಗೆಗೆ ಅವಕಾಶ ನಿಡಿದ್ದೂ, ನಮಾಝ್ ಮಾಡುತ್ತಿರುವ ಮುಸ್ಲಿಂ ಬಾಂಧವರಿಗೆ ತೊಂದರೆಯಾಗದಂತೆ ಹಿಂದೂ ಬಾಂಧವರು ಗಣೇಶನ ಮೆರವಣಿಗೆಯನ್ನು ಶಾಂತಿಯುತವಾಗಿ ನಡೆಸಿದ ಸುದ್ದಿ ಅತೀವ ಸಂತೋಷ ಕೊಟ್ಟಿತ್ತು.

ಹೌದು, ನಮ್ಮ ಸಮಾಜದಲ್ಲಿ ಸೌಹಾರ್ದತೆ ಇನ್ನೂ ಹದಗೆಟ್ಟಿಲ್ಲ. ನಾವೆಲ್ಲರೂ ಇನ್ನೂ ಪರಸ್ಪರರ ಹಿತಚಿಂತಕರಾಗಿಯೇ ಉಳಿದು ಕೊಂಡಿದ್ದೇವೆ, ಶಾಂತಿ, ಸಾಮರಸ್ಯ, ನೆಮ್ಮದಿಯ ಬದುಕು ಬೇಕು ಎನ್ನುವ ಕೂಗು ನಮ್ಮಾತ್ಮದೊಳಗೆ ಇನ್ನೂ ಜೀವಂತವಾಗಿದೆ ಎಂಬುವುದಕ್ಕೆ ಇದೊಂದು ಸುಸ್ಪಷ್ಟ ನಿದರ್ಶನವಾಗಿದೆ. ಈ ನಮಾಝು, ಈ ಗಣೇಶನ ಮೆರವಣಿಗೆಗಳು ನಮ್ಮೊಳಗಿನ ನಾವು ಜೀವಂತವಾಗಿರುವುದನ್ನು ಸಾಬೀತು ಪಡಿಸಿದವು. ಈ ಜಿವಂತಿಕೆ ಭಾರತದ ಮೂಲೆ ಮುಲೆಗಳಲ್ಲೂ ಕಾಣ ಸಿಗಬೆಕಿದೆ. ಇಂತಹಾ ಸೌಹಾರ್ಧತೆಗಳು, ಸಮಾಜದ ಶ್ರೀ ಸಾಮಾನ್ಯನ ಇಚ್ಛಾ ಶಕ್ತಿಯಿಂದಾಗಿಯೇ ಉಂಟಾಗುತ್ತದೆ. ಇಂತಹಾ ಸೌಹಾರ್ಧಯುತ ನಮಾಝ್ ಗಳು, ಗಣೇಶ ಚತುರ್ತಿಗಳು ಮತ್ತೆ ಮತ್ತೆ ನಮ್ಮೊಳಗೆ ಮಲಗಿರುವ ನಮ್ಮನ್ನು ಬಡಿದೆಚ್ಚರಿಸುತ್ತಾ? ಹಳೆಯ ಆ ಮಾಲಿನ್ಯ ರಹಿತ ದಿನಗಳು ಮತ್ತೆ ಮರಳಿ ಬರಲಿ ಎಂಬ ನಿರೀಕ್ಷೆಯೊಂದಿಗೆ…

bakrid 2

 

 

Comments

ಸೂಚನೆ : ಯಾವುದೇ ತೆರನಾದ ಧಾರ್ಮಿಕ, ರಾಜಕೀಯ ಮತ್ತು ವ್ಯಕ್ತಿ ನಿಂದನಾತ್ಮಕ ಪ್ರತಿಕ್ರಿಯೆಗಳನ್ನಾಗಲೀ, ಭಾರತ ಒಕ್ಕೂಟ ವ್ಯವಸ್ಥೆಯಡಿ ಬರುವ ಪ್ರದೇಶ, ಭಾಷೆ ಅಥವಾ ಸಂಸ್ಕೃತಿಯನ್ನು ತೆಗಳುವ ಪ್ರತಿಕ್ರಿಯೆಯನ್ನಾಗಲೀ, ಸಾಮಾಜಿಕ ಸ್ವಾಸ್ಥ್ಯದ ಮೇಲೆ ಪರಿಣಾಮ ಬೀರುವ ಅಸಭ್ಯ, ಅಶ್ಲೀಲ ಪ್ರತಿಕ್ರಿಯೆಯನ್ನಾಗಲೀ ಹಾಕಬಾರದಾಗಿ ವಿನಂತಿ. ನಿಮ್ಮ ಪ್ರತಿಕ್ರಿಯೆಗೆ ಆಯಾ ವ್ಯಕ್ತಿ ಸಂಪೂರ್ಣವಾಗಿ ಜವಾಬ್ದಾರರಾಗಿದ್ದು "ನ್ಯೂಸ್ ಕನ್ನಡ" ಬಳಗ ಜವಾಬ್ದಾರರಾಗಿರುವುದಿಲ್ಲ. ಅಲ್ಲದೆ ಇಂಥಹ ಪ್ರತಿಕ್ರಿಯೆಗಳು ಕಾನೂನಾತ್ಮಕವಾಗಿ ಅಪರಾಧವಾಗಿದ್ದು, ಸಂಬಧಪಟ್ಟ ಇಲಾಖೆ ಮಾಹಿತಿಯನ್ನು ಕೇಳಿದರೆ ನಿಮ್ಮ ಸಂಪೂರ್ಣ ಹೆಸರು ಮತ್ತು ಐ.ಪಿ ವಿಳಾಸವನ್ನು ಒದಗಿಸಲು "ನ್ಯೂಸ್ ಕನ್ನಡ" ಬದ್ದವಾಗಿರುತ್ತದೆ.

ಚೆಕ್ ಪೋಸ್ಟ್ ಬಳಿ ಇಸ್ರೇಲ್ ಸೈನಿಕನಿಂದ ಫೆಲೆಸ್ತೀನೀ ವಿದ್ಯಾರ್ಥಿನಿಯ ಬರ್ಬರ ಹತ್ಯೆ

ಮುಂದಿನ ಸುದ್ದಿ »

ಗೋ ಬಲಿದಾನ ನಿಷೇಧ; ಕಾಶ್ಮೀರದಲ್ಲಿ ಯುವ ಸಮೂಹ ಮತ್ತು ಭದ್ರತಾ ಪಡೆಯ ನಡುವೆ ಘರ್ಷಣೆ

ಸಿನೆಮಾ

  • ಸರಳವಾಗಿ ರಿಜಿಸ್ಟರ್ ಮದುವೆಯಾದ ಮುಸ್ತಫಾ-ಪ್ರಿಯಾಮಣಿ

    August 23, 2017

    ಬೆಂಗಳೂರು: ತಮಿಳು, ತೆಲುಗು, ಕನ್ನಡ, ಹಿಂದಿ ಸೇರಿದಂತೆ ಹಲವು ಭಾಷೆಗಳ ಸಿನಿಮಾದಲ್ಲಿ ನಟಿಸಿದ್ದ ಬಹುಭಾಷಾ ತಾರೆ ಪ್ರಿಯಾಮಣಿ ಇಂದು ತಮ್ಮ ಹಲವು ಕಾಲದ ಗೆಳೆಯ ಮುಸ್ತಫಾರಾಜಾರೊಂದಿಗೆ ದಾಂಪತ್ಯ ಜೀವನಕ್ಕೆ ಕಾಲಿಟ್ಟಿದ್ದಾರೆ. ಬೆಂಗಳೂರಿನ ಜಯನಗರ ರಿಜಿಸ್ಟರ್ ಆಫೀಸಿಗೆ ನಟಿ ...

    Read More
  • ಈ ಬಾರಿ ಗಣೇಶೋತ್ಸವ ಆಚರಿಸದ ಸಲ್ಮಾನ್ ಖಾನ್: ಕಾರಣವೇನು ಗೊತ್ತೇ?

    August 22, 2017

    ನ್ಯೂಸ್ ಕನ್ನಡ-(22.08.17): ಬಾಲಿವುಡ್ ನಟ ಸಲ್ಮಾನ್ ಖಾನ್ ಗಣಪತಿ ಭಕ್ತನಾಗಿದ್ದು, ಪ್ರತೀವರ್ಷವೂ ತಮ್ಮ ಮನೆಯಲ್ಲಿ ಗಣೇಶೋತ್ಸವವನ್ನು ಆಚರಿಸುತ್ತಾರೆ. ಆದರೆ ಈ ಬಾರಿ ಸತತ 15ವರ್ಷಗಳಿಂದ ತಮ್ಮ ಮನೆಯಲ್ಲಿ ನಡೆಸುತ್ತಾ ಬಂದಿದ್ದ ವೈಭವದ ಗಣೇಶೋತ್ಸವವನ್ನು ಕೈಬಿಟ್ಟು ಸಲ್ಮಾನ್ ಖಾನ್ ...

    Read More
  • ಕನ್ನಡ ಚಿತ್ರರಂಗಕ್ಕೆ ಪಾದಾರ್ಪಣೆಗೈದ ತಮಿಳು ನಟ ಆರ್ಯ

    August 21, 2017

    ನ್ಯೂಸ್ ಕನ್ನಡ ವರದಿ-(21.08.17): ತಮಿಳು ಚಿತ್ರರಂಗದಲ್ಲಿ ಮಿಂಚುತ್ತಿರುವ ಖ್ಯಾತ ಯುವನಟ ಆರ್ಯ ಮಮ್ಮೂಟಿ ಅಭಿನಯದ ಗಾಡ್ ಫಾದರ್ ಚಿತ್ರದ ಮೂಲಕ ಮಲಯಾಳಂ ಚಿತ್ರರಂಗಕ್ಕೆ ಪಾದಾರ್ಪಣೆ ಮಾಡಿ, ಕೇರಳದಾದ್ಯಂತ ಅಸಂಖ್ಯಾತ ಅಭಿಮಾನಿಗಳನ್ನು ಸೃಷ್ಟಿಸಿಕೊಂಡಿದ್ದರು. ಇದೀಗ ಸೂಪರ್ ಹಿಟ್ ಚಿತ್ರವಾದ ...

    Read More
  • ಕನ್ನಡ ಸಿನಿಮಾದಲ್ಲಿ ಬಣ್ಣ ಹಚ್ಚಲಿರುವ ಕ್ರಿಕೆಟಿಗ ಶ್ರೀಶಾಂತ್!

    August 16, 2017

    ಸ್ಪಾಟ್ ಫಿಕ್ಸಿಂಗ್, ಮ್ಯಾಚ್ ಫಿಕ್ಸಿಂಗ್‌ ಆರೋಪಗಳಿಂದ ಕಂಗಾಲಾಗಿದ್ದ ಕೇರಳ ಮೂಲದ ವೇಗಿ, ರಾಜಸ್ಥಾನ್ ರಾಯಲ್ಸ್‌ನ ಮಾಜಿ ಆಟಗಾರ ಶ್ರೀಶಾಂತ್ ಇತ್ತೀಚೆಗಷ್ಟೆ ನಿರಾಳರಾಗಿದ್ದಾರೆ. ಅವರ ಮೇಲೆ ಭಾರತೀಯ ಕ್ರಿಕೆಟ್ ನಿಯಂತ್ರಣ ಮಂಡಳಿ (ಬಿಸಿಸಿಐ) ಅಜೀವ ನಿಷೇಧ ಹೇರಿತ್ತು. ಇತ್ತೀಚೆಗಷ್ಟೇ ...

    Read More

ಹೆಚ್ಚಿನ ಸುದ್ದಿ

More

ನೆನಪಿನ ಸಂಚಿ

ಹೆಚ್ಚಿನ ಸುದ್ದಿ

More

ಭೂತಗನ್ನಡಿ

ಹೆಚ್ಚಿನ ಸುದ್ದಿ

More
Menu
×