Wednesday October 19 2016

Follow on us:

Contact Us

ಶುಭಾರಂಭದಿಂದ ‘ಹುಷಾರ್ ಸರ್! ಹುಷಾರ್ ಮೇಡಂ

ಶುಭಾರಂಭ ರಂಗತಂಡವು ಬೆಂಗಳೂರು ಮೂಲದ ರಂಗತಂಡವಾಗಿದೆ. ಮಾಧ್ಯಮ ಕ್ಷೇತ್ರ, ಸಾರ್ವಜನಿಕ ಸಂಪರ್ಕ, ಆಡಳಿತ ನಿರ್ವಹಣೆ ಹೀಗೆ ಹಲವು ಕ್ಷೇತ್ರಗಳಲ್ಲಿ 15ಕ್ಕೂ ಹೆಚ್ಚು ವರ್ಷಗಳ ಕಾಲ ಕಾರ್ಯನಿರ್ವಹಿಸಿರುವ ಸುಧೀಂದ್ರ ಎಸ್. ದೇಶಪಾಂಡೆಯವರ ಕನಸಿನ ಕೂಸು ಶುಭಾರಂಭ ರಂಗತಂಡ.

ಕೆಲಸದ ಜೊತೆಗೆ ಸಾಮಾಜಿಕ ಸಮಸ್ಯೆಗಳ ಬಗ್ಗೆ ಜನಜಾಗೃತಿ ಕಾರ್ಯವನ್ನು ನಾಟಕಗಳ ಮುಖಾಂತರ ಮಾಡುತ್ತಾ ಬಂದಿರುವ ಸುಧೀಂದ್ರ ಎಸ್. ದೇಶಪಾಂಡೆಯವರ ಮುಂದಾಳುತ್ವದಲ್ಲಿ ಶುಭಾರಂಭ ರಂಗತಂಡವು

ಇದೇ ನವೆಂಬರ್ 12, 2016 ಶನಿವಾರ ಸಂಜೆ 6ಕ್ಕೆ ಶುಭಾರಂಭ ರಂಗತಂಡ “ಹುಷಾರ್ ಸರ್! ಹುಷಾರ್ ಮೇಡಂ” ಎನ್ನುವ ಸಾಮಾಜಿಕ ಜನಜಾಗೃತಿಯ ನಾಟಕವನ್ನು ಕುವೆಂಪು ರಂಗಮಂದಿರ, ಶಿವಮೊಗ್ಗ ಇಲ್ಲಿ ಪ್ರದರ್ಶಿಸಲಿದೆ. ಸಾಮಾಜಿಕ ಸಮಸ್ಯೆಗಳ ಬಗ್ಗೆ ತಿಳಿಹಾಸ್ಯದ ಮುಖಾಂತರ ಜನಜಾಗೃತಿ ಮೂಡಿಸುವ ಕಥಾವಸ್ತು ಹೊಂದಿರುವ ನಾಟಕವಾಗಿದೆ.

ಶುಭಾರಂಗ ತಂಡವನ್ನು ಸ್ಥಾಪಿಸಲು ಪ್ರಮುಖವಾಗಿ ಮೂರು ಕಾರಣಗಳಿವೆ ಎಂದು ಹೇಳುತ್ತಾರೆ. ಸಂಸ್ಥಾಪಕರಾದ ಸುಧೀಂದ್ರ ಎಸ್. ದೇಶಪಾಂಡೆ. ರಂಗನಟನೆಯನ್ನು ಕಲಿತು ರಂಗಭೂಮಿಗೆ ಏನಾದರೂ ಕೊಡುಗೆಯನ್ನು ನೀಡಬೇಕು ಮತ್ತು ರಂಗಭೂಮಿಯಲ್ಲಿ ಏನನ್ನಾದರೂ ಸಾಧಿಸಬೇಕೆಂಬ ಹಂಬಲ ಹೊಂದಿದವರಿಗೆ ಸೂಕ್ತ ವೇದಿಕೆ ನೀಡುವುದು ಶುಭಾರಂಭ ರಂಗ ತಂಡದ ಉದ್ದೇಶ. ಈ ಕಾರಣಕ್ಕಾಗಿಯೇ ಪ್ರತಿಭೆಗಳನ್ನು ಗುರುತಿಸಿ ಅವರಿಗೆ ಉಚಿತ ರಂಗನಟನೆಯ ತರಬೇತಿ ನೀಡಲಾಗುತ್ತದೆ. ನಂತರ ಅವರಿಗೆ ಶುಭಾರಂಭ ರಂಗತಂಡವು ಆಯೋಜಿಸುವ ನಾಟಕಗಳಲ್ಲಿ ಅಭಿನಯಿಸಲು ಅವಕಾಶ ನೀಡಲಾಗುತ್ತದೆ. ಶುಭಾರಂಭ ರಂಗತಂಡವು ಕರ್ನಾಟಕ ರಾಜ್ಯದೆಲ್ಲೆಡೆ ಸಂಚರಿಸಿ ಸಾಮಾಜಿಕ ಜನಜಾಗೃತಿ ನಾಟಕ ಪ್ರದರ್ಶನ ನೀಡುವ ಯೋಜನೆ ಹೊಂದಿದೆ ಅಲ್ಲದೇ ಭಾರತದಾದ್ಯಂತ ಸಂಚರಿಸುವ ಯೋಜನೆಯನ್ನೂ ಹೊಂದಿದೆ. ಹೀಗೆ ಶುಭಾರಂಭ ರಂಗತಂಡದ ಕಲಾಪ್ರತಿಭೆಗಳಿಗೆ ಭಾರತ ರಾಜ್ಯಾದ್ಯಂತ ಕಲಾಪ್ರತಿಭಾ ಪ್ರದರ್ಶನಕ್ಕೆ ಅದ್ಭುತ ವೇದಿಕೆಯನ್ನು ಒದಗಿಸುತ್ತದೆ. ಇದು ಮೊದಲನೆ ಕಾರಣವಾಗಿದೆ.

ಇನ್ನು ಸಮಾಜದಲ್ಲಿರುವ ಸಮಸ್ಯೆಗಳ ಕುರಿತು ಜನಜಾಗೃತಿಯನ್ನು ಮೂಡಿಸುವುದು ಶುಭಾರಂಭ ರಂಗತಂಡದ ಉದ್ದೇಶವಾಗಿದೆ. ಉದಾಹರಣೆಗೆ ವರದಕ್ಷಿಣೆ ಪಿಡುಗು, ಬಾಲಕಾರ್ಮಿಕ ಸಮಸ್ಯೆ, ಚಿಟ್ ಫಂಡ್ ಕಂಪನಿಗಳ ಮೋಸ, ಮನಿ ಡಬಲಿಂಗ್ ಸ್ಕೀಂ ಕಂಪನಿಗಳ ಮೋಸ, ಕನ್ನಡ ಭಾಷಾಭಿಮಾನ ಬೆಳೆಸಿಕೊಳ್ಳಬೇಕು, ಆಹಾರವನ್ನು ಹಾಳು ಮಾಡುವುದರ ಕುರಿತು, ನೇತ್ರದಾನದ ಮಹತ್ವ ಹೀಗೆ ಹತ್ತು ಹಲವಾರು ಸಮಸ್ಯೆಗಳ ಬಗ್ಗೆ ತಿಳಿಹಾಸ್ಯದ ಮುಖಾಂತರ ಜನಜಾಗೃತಿ ಮೂಡಿಸುವ ಕಾರ್ಯವನ್ನು ನಾಟಕಗಳ ಮುಖಾಂತರ ಮಾಡುತ್ತಿದೆ. ಇದು ಎರಡನೇಯ ಉದ್ದೇಶ.

ನಾಟಕಗಳ ಆಯೋಜನೆಯಿಂದ ಟಿಕೇಟುಗಳ ಮಾರಾಟದಿಂದ ಸಂಗ್ರಹವಾದ ಹಣದಲ್ಲಿ ಇಂತಿಷ್ಟು ಮೊತ್ತವನ್ನು ವೃದ್ಧಾಶ್ರಮ, ಅನಾಥಾಲಯ, ಅಂಧರ ಶಾಲೆ ಹೀಗೆ ಸಾಮಾಜಿಕ ಕಳಕಳಿಯಿಂದ ಚಾರಿಟಿಗಳಿಗೆ ಕೊಡಮಾಡುವ ಮಹತ್ತರ ಕಾರ್ಯವನ್ನು ಮಾಡುತ್ತಿದೆ. ಇದು ಮೂರನೇಯ ಕಾರಣವಾಗಿದೆ.

ಸಾಮಾಜಿಕ ಕಳಕಳಿಯಿಂದ ನಾಟಕಗಳ ಮುಖಾಂತರ ಜನಜಾಗೃತಿ ಮೂಡಿಸುವ ಮತ್ತು ಪ್ರತಿಭೆಗಳಿಗೆ ಭಾರತದಾದ್ಯಂತ ನಟನಾ ಪ್ರದರ್ಶನಕ್ಕೆ ವೇದಿಕೆಯನ್ನೊದಗಿಸುವುದು ಶುಭಾರಂಭ ಮಾಡುತ್ತಿದೆ.

ಈ ನಾಟಕದಲ್ಲಿ ಸುಧೀಂದ್ರ ದೇಶಪಾಂಡೆ, ಹರೀಶ್, ಅರ್ಪಿತಾ, ಭಾನುಪ್ರಕಾಶ್, ವಿನಯ್‍ರಾಜ್, ನವೀನ್ ಗೌಡ, ಅಖಿಲೇಶ್, ಪ್ರದೀಪ್, ಶ್ರೀಹರಿ, ಸ್ವಪ್ನಾ, ಶೃತಿ, ಮೇಘನಾ, ಲೋಕೇಶ್, ಸಂಜನಾ ಬುರ್ಲಿ ಮುಂತಾದ ಕಲಾವಿದರು ಅಭಿನಯಿಸಲಿದ್ದಾರೆ.

ಹೆಚ್ಚಿನ ಮಾಹಿತಿಗಾಗಿ ಈ ವಿಳಾಸವನ್ನು ಸಂಪರ್ಕಿಸ ಬಹುದು

ಸುಧೀಂದ್ರ  ದೇಶಪಾಂಡೆ

ಸಂಸ್ಥಾಪಕರು – ಶುಭಾರಂಭ ರಂಗತಂಡ

ಬನಶಂಕರಿ 3ನೇ ಹಂತ, ಬೆಂಗಳೂರು -560085

ದೂರವಾಣಿ :  09620442066

nkgkp

Comments

ಸೂಚನೆ : ಯಾವುದೇ ತೆರನಾದ ಧಾರ್ಮಿಕ, ರಾಜಕೀಯ ಮತ್ತು ವ್ಯಕ್ತಿ ನಿಂದನಾತ್ಮಕ ಪ್ರತಿಕ್ರಿಯೆಗಳನ್ನಾಗಲೀ, ಭಾರತ ಒಕ್ಕೂಟ ವ್ಯವಸ್ಥೆಯಡಿ ಬರುವ ಪ್ರದೇಶ, ಭಾಷೆ ಅಥವಾ ಸಂಸ್ಕೃತಿಯನ್ನು ತೆಗಳುವ ಪ್ರತಿಕ್ರಿಯೆಯನ್ನಾಗಲೀ, ಸಾಮಾಜಿಕ ಸ್ವಾಸ್ಥ್ಯದ ಮೇಲೆ ಪರಿಣಾಮ ಬೀರುವ ಅಸಭ್ಯ, ಅಶ್ಲೀಲ ಪ್ರತಿಕ್ರಿಯೆಯನ್ನಾಗಲೀ ಹಾಕಬಾರದಾಗಿ ವಿನಂತಿ. ನಿಮ್ಮ ಪ್ರತಿಕ್ರಿಯೆಗೆ ಆಯಾ ವ್ಯಕ್ತಿ ಸಂಪೂರ್ಣವಾಗಿ ಜವಾಬ್ದಾರರಾಗಿದ್ದು "ನ್ಯೂಸ್ ಕನ್ನಡ" ಬಳಗ ಜವಾಬ್ದಾರರಾಗಿರುವುದಿಲ್ಲ. ಅಲ್ಲದೆ ಇಂಥಹ ಪ್ರತಿಕ್ರಿಯೆಗಳು ಕಾನೂನಾತ್ಮಕವಾಗಿ ಅಪರಾಧವಾಗಿದ್ದು, ಸಂಬಧಪಟ್ಟ ಇಲಾಖೆ ಮಾಹಿತಿಯನ್ನು ಕೇಳಿದರೆ ನಿಮ್ಮ ಸಂಪೂರ್ಣ ಹೆಸರು ಮತ್ತು ಐ.ಪಿ ವಿಳಾಸವನ್ನು ಒದಗಿಸಲು "ನ್ಯೂಸ್ ಕನ್ನಡ" ಬದ್ದವಾಗಿರುತ್ತದೆ.

4000ಕ್ಕೂ ಅಧಿಕ ಮಂದಿಯಿಂದ ಕೈ ತೊಳೆದು ವಿಶ್ವದಾಖಲೆ

ಮುಂದಿನ ಸುದ್ದಿ »

ಹಲವಾರು ಮಂದಿಯ ಜೀವ ರಕ್ಷಿಸಿದ Mr. Bean ಬಗ್ಗೆ ನಿಮಗೇನು ಗೊತ್ತು?

ಸಿನೆಮಾ

  • ಜುಲೈ 3ರಂದು ರಕ್ಷಿತ್ ಶೆಟ್ಟಿ-ರಶ್ಮಿಕಾ ನಿಶ್ಚಿತಾರ್ಥ ಫಿಕ್ಸ್

    June 28, 2017

    ಬೆಂಗಳೂರು: ಸ್ಯಾಂಡಲ್‌ವುಡ್‌ ನಟ ರಕ್ಷಿತ್‌ ಶೆಟ್ಟಿ ಹಾಗೂ ರಶ್ಮಿಕಾ ಮಂದಣ್ಣ ಅವರ ನಿಶ್ಚಿತಾರ್ಥ ಜುಲೈ 3ರಂದು ನಡೆಯಲಿದೆ. ಇತ್ತೀಚೆಗೆ ತೆರೆಕಂಡ ಕಿರಿಕ್‌ ಪಾರ್ಟಿ ಚಿತ್ರದಲ್ಲಿ ರಕ್ಷಿತ್‌ ಶೆಟ್ಟಿ ಮತ್ತು ರಶ್ಮಿಕಾ ಮಂದಣ್ಣ ನಟಿಸಿದ್ದರು. ಈ ಚಿತ್ರದಲ್ಲಿ ಕರ್ಣ ...

    Read More

ಹೆಚ್ಚಿನ ಸುದ್ದಿ

More

ನೆನಪಿನ ಸಂಚಿ

ಹೆಚ್ಚಿನ ಸುದ್ದಿ

More

ಭೂತಗನ್ನಡಿ

ಹೆಚ್ಚಿನ ಸುದ್ದಿ

More
Menu
×